Хятад Цөмийн Эрчим Хүчээ Нэмхээр Зэхэж Байна

Өнөөдрийн 5сарын 29 Вашингтон Пост сонинд Хятадын Засгийн Газар цөмийн эрчим хүчний үйлдвэрүүд нэмж барихаар болсон тухай бичсэн байна. Дэлхийн дулааралын асуудалд нааштай хандах энэхүү төлөвлөгөөнд 32 цөмийн эрчим хүчний үйлдвэрийг 2020 он гэхэд ашиглалтанд оруулах 50 тэрбум ам. долларын зардал төсөвлөөд байна. Төлөвлөсөн эрчим хүчний чадлыг өнөөдрийн дэлхийд үйлдвэрлэгдэж буй нийт цөмийн эрчим хүчнийхтэй харьцуулахад тийм ч бага биш гэнэ. Тэр хэмжээгээр Хятадын эдийн засаг Дэлхийд ноёлох талтай бөгөөд эрчим хүчний эрэлт эерэгээр бас сөрөгөөр хангагдана. Цөмийн эрчим хүчний үйлдвэр нь нүүрс мэт уламжлалт түлшээр ажилладаг эрчим хүчний үйлдвэрүүдээс хүлэмжийн хий бага ялгаруулдагаараа онцлогтой. Гэхдээ хэдэн мянган жил аюултай хэвээр байдаг цацраг идэвхит хаягдал гаргадаг. Хэдийгээр Хятад Дэлхийн зах зээлд өөрийн төлөвлөгөөгөө хэрэгжүүлээд эхэлсэн байна. Хятадын ерөнхий сайд Вей Жьабао Австрали болон Нигери улсуудаар айлчилж ураны нийлүүлэлтийн талаар хэлэлцээр хийсэн гэнэ. Ураны эрэлт хэрэгцээ өссөнөөр боловсруулсан ураны үнэ нэг килограм нь 4.5 ам доллар байсан бол 2003 онд 55 ам доллар болтлоо өссөн байна. Японы Тошиба Пенсилвани дахь ВэстинХаус Электрик Корпорацийг авах гэж 5.4 тэрбум ам доллар зарцуулсан хамгийн том шалтгаан нь Хятад ирэх 20-30 жилд ВэстинХаус компанийн цөмийн технологийг авах сонирхолтойг таамагласан хэрэг. Хэдийгээр Хятадын эрдэмтэд болон засгийн газрын мэдэлтнүүд өнө удаан хэлэлцээд цөмийн эрчим хүч нь сайн сонголт гэж тохирсон ч Хятад наад захын асуудал болох хоол хүнсэн дээр аюулгүйн болон эрүүл ахуйн шаардлага хангадаггүйгээ марталгүй дурьджээ. "Хятадын Ногоон Найрамдалын Уур амьсгал болон Эрчим хүчний хөдөлгөөн"ий менежер Аилун Янг хэлэхдээ Хятадын Засгийн газар аюулгүй байдлыг хангах талаарх асуудлыг бие даан шийдэх боломжгүй учир хэрвээ Чернобиль шиг асуудал тулгарвал яах вэ? гэсэн байна. Тийм ч учраас Хятадын засгийн газар цацрагийн аюулгүй байдлыг хангах асуудлаар ВэстинХаус гэх мэт барууны компаниудтай гэрээгээр ажиллаж инженер болон барилга байгууламжын асуудлаа шийддэг гэнэ. Ийм байдлаар өнөөдөр есөн цөмийн эрчим хүчний үйлдвэр ажиллаж байгаа ба нэмж хоёр үйлдвэр энэ жилдээ багтаж цахилгааны сүлжээнд холбогдох болжээ. МИТ буюу Массачушэтсийн Технологийн Хүрээлэнгийн мэдээллэснээр Хятад 2050 он гэхэд 200 цөмийн эрчим хүчний үйлдвэр нэмж барьвал эрэлт нийлүүлэлт нь тэнцэх гэнэ. Хятадтай харьцуулбал Америкийн Нэгдсэн Улсад буй цөмийн эрчим хүчний үйлвэрүүдийн тоо 1979 оны Три Майл Аиландад болсон ослоос хойш 100 гаруйхан хэвээр байгаа гэсэн ч Бушийн дэмжлэгээр компаниуд энэ талаар бодож эхэлжээ.

Ерөнхийлөгчийн Зөвлөх Цагаачлалын Асуудлаар Демократуудтай

Цагаачлалын асуудлыг өөрчлөх тухай хуулийг батлуулахын тулд Цагаан Ордны зүгээс маш их амлалт өгч байна. Гэвч энэхүү хууль батлагдахаасаа өмнө аль аль талаас шүүмжлэлд өртснөөс болж Сенатууд маргаантай асуудлыг Таван Сарын 28 (Memorial Day Recess)-ны дараа үргэлжлүүлэхээр болжээ. Демократуудын хэлж байгаагаар хэрвээ Бүгд Найрамдахчууд Конгрессийн доод танхимд илэрхий давуу санал авч чадахгүй бол энэ хууль батлагдах боломжгүй болох гэнэ. Сенатын танхимд гарах шийдвэр Демократ лидрүүдийн гарт байна гэж Цагаан Ордны Зөвлөх Дан Бартлетт (Dan Bartlett) таамаглан хэллээ. Түүний хэлснээр Сенат Демократууд хоёр талд ашигтай замаар ажиллахаар тохирсон бөгөөд түүндээ хүрэх хуулийг гаргах юм байна. Хэрвээ "Тед" Кеннеди хуулийн төсөлийг боломжийн гэж үзвэл Нанси Пелосид боломжтой байх нь илэрхий болох аж. Ийм нөхцөлд хуулийг батлуулахын тулд ерөнхийлөгч юу ч хийхэд бэлэн байгааг Бартлетт нэмж хэллээ. Бартлетт Вашингтон Пост сонины газар өгсөн ярилцлагаа Конгресс-т хоёр намын хооронд болж буй Иракийн талаарх болон бусад чухал маргаантай асуудлуудыг Цагаан Ордныг төлөөлөн дүгнэж дуусгалаа. Дэн Бартлеттын ярилцлагаас дүгнэхэд Цагаачлалын асуудлыг хаашаа шийдэх нь вэ? гэхээс илүү хэзээ шийдэх вэ? гэж асуухад хүрч байна. Анхаарал тавьсанд баярлалаа.

Цагаачлалыг Шинэчлэх Асуудал Сенатын Танхимд Очихнээ

Хэлэлцэгч Сенатууд өчигдөр буюу 5 сарын 16нд бичиг баримтгүй цагаачдыг хуулийн хүрээнд оруулах талаар ярилцаж тохиролцоонд хүрсэн байна. Энэ тохиролцооны үр дүнд 12 сая бичиг баримтгүй цагаачдын асуудал нааштайгаар шийдэгдэнэ гэж Бүгд Найрамдахчууд хэлж байгаа ч гэсэн Цагаачлалын Эрхийг Хамгаалах групп болон зарим нөлөө бүхий Демократууд энэ талаар эргэлзээтэй хэвээр байна.
Энэ тохиролцоонд зааснаар одоогоор бичиг баримтгүй цагаачдад “Зи” (Z visa) төрлийн виза олгож хууль ёсоор АНУ-д ажиллаж амьдрах эрхийг олгох гэнэ. Ийм визтэй болсон ажилчид найман жил болсны дараа эх орондоо очиж байнгын оршин суугчын эрх буюу ”Ногоон Кард” авч болох, мөн гэмт хэрэгт холбогдож байсан эсэхээ (criminal background check) шалгуулж 5 000 ам долларын торгуулийг бусад хураамжын хамт төлөөд визээ сунгуулж болох гэнэ.
Дээрхээс гадна жил бүр 400 000 түр-ажилчдыг оруулж байх хөтөлбөр байх ажээ. Энэхүү түр-ажилчны виз нь хоёр жилийн хугацаатай байх ба жилийн хугацаанд эх орондоо жилийн хугацаатай буцаж байвал гурван удаа сунгаж болох нөхцөлтэй гэнээ.
Дээрх хуулиудын хэрэгжилт, Бүгд Найрамдахчуудын таалалд нийцүүлэхийн тулд, Холбооны Засгийн Газраас хэрэгжүүлэх хилийн зурвас хамгаалах болон хууль бус цагаачдад ажил олгосон эздийг шахах хөтөлбөрүүдийг хэрэгжсэний дараа эхлэнэ. БН-чууд 18 000 хилийн хамгаалагч шинээр бэлтгэх, 370 милл буюу 600-аад км хилийн хана босгох, болон ажилчдыг магадлан шалгах электрон системийг ажлын байранд нэвтрүүлэх ажлуудыг шаардаж байгаа.
Юутай ч дээрх тохиролцооны үр дүнд бичиг баримтгүй цагаачдын асуудлыг Сенатын Танхимд хэлэлцэхээр болоод байна. Хэдийгээр энэ асуудал хуулийн хүрээнд авч хэлэлцэгдэх нь болоогүй ч гэсэн ерөнхийлөгчийн болон бусад нөлөө бүхий улсуудын зүгээс дэмжигдэж байгаа гэсэн байна.
Нью-Жерсийн Демократ Сенатич Роберт Менендез (Sen. Robert Menendez (D-N.J.)): Тэдний “бид тохиролцсон” гэж хэлэх нь санаанд нийцэхгүй байна, гэж хэлснээс үзвэл Демократ намынхан энэ асуудал дээр эргэлзээтэй байна гэдэг нь харагдаж байна.
1965 оноос хойш хэрэгжиж буй хуулиар бол АНУ-д байхын тулд цагаачид ивээн тэтгэгчтэй хэрэгтэй гэсэн байдаг буюу гэр бүлийн гишүүд нь эсвэл ажил олгогч нь энд байгаа нөхцөлтэйгээр олгодог байна. Харин санал болгож буй хуулийн төслөөр цагаачдыг боловсролын түвшин, Англи хэлний мэдлэг, ажлын туршлага, болон гэр бүлийн холбоо гэсэн шалгуураар цэгнэх болоод байна.
Хоёр талууд бичиг баримтгүй цагаачдын талаар ингэж шаргуу ярилцаж байгаа нь ямар нэг өөрчлөлт цагаачлалын хуульд гарахын дохио болов уу гэж таамаглаж байна. Юутай ч ирэх долоо хоногт Сенатын Танхимд болох хуралдаан яаж өрнөхийг хүлээе. Анхаарал тавьсанд баярлалаа,

Under the Eternal Blue Divine

It is the philosophy of Great Genggis (Chinggis) Khan of Mongolia. Every leap he made was by the willing of Eternal Blue Sky. the idea of this concept is that human is a part of nature; therefore, humans must act with the accordance of comtemporary environmental condition. This is not religious or premature thinking. He was great thinker of the time. He united all Mongol tribes into one and eventually could conquer many nations as well. the biggest known territory in human history is Mongolian Territory. only following divine summons, he succeeded as no body possibly could achieve. story will continue...