Солонгосын Нано Ирээдүй

interestong article from the Mechanical Engineering Magazine (http://www.memagazine.org/)

40хөн жилийн өмнө газар тариалан голчлон эрхэлж байсан Солонгос орон өнөөдөр мэдээлэл технологийн салбарт хэдийнэ байр сууриа олжээ. Солонгосын дайны дараахан нэг хүнд ноогдох жилийн дундаж орлого 79 ам доллар байсан бол одоо 18400 ам доллар болтлоо өссөн байна.

Солонгосын зах зээлд нийлүүлдэг 330 тэрбум ам долларын барааны бараг хагас хувийг хагас дамжуулагч санах байгууламж, гар утас болон хавтгай нимгэн дэлгэц эзэлдэг байна. Энэ байр сууриа хадгалахын тулд Солонгосын засгийн газар нанотехнологи болон хавсрах салбаруудад хөрөнгө оруулалт хийж эхэлжээ. 2001 онд эхэлсэн 10 тэрбум ам долларын засгийн газрын энэхүү хөтөлбөрийн хүрээнд нанотехнологийн олон салбарт төсөл явагдаж байгаа аж. Жишээ дурдахад: Тера Түвшиний НаноТөхөөрөмжийн Төв байгуулагдаж нэг секундад Тера бит мэдээллийг боловсруулах төхөөрөмж туршиж байгаа гэнэ. Мөн шинэ төслүүдийн нэг болох Нано Бүтэцтэй Материалын Төвд мэдээлэл технологи, эрчим хүч гэх мэт бусад үйлдвэрлэлүүдэд хэрэглэгдэх нанобүтэцтэй материал боловсруулж байна.

Гэх мэтчлэн олон төслүүд зэрэг зэрэг хэрэгжиж байгаа бөгөөд эдгээрийн үр дүнд энэ чиглэлээр хэвлэгдсэн судалгаа нийтлэлийн тоо 2001 онд 408 байсан бол 2005 онд 1431 болсон байна. Энэ бүгдийг дүгнэж үзвэл Солонгос энэ чиглэлээр Дэлхийд тавд жагсаж байна. Мөн энэ чиглэлээр үйл ажиллагаа эрхэлдэг үйлдвэр компаниудын тоо мөн хугацаанд 78аас 214 болж өссөн байна.

Сункиункваны Их Сургуулийн Нүүрстөрөгч Нанохоолойн Судалгааны Төвд нүүрстөрөгч нано хоолойг хэлбэртэй ургуулдаг ба түүнийгээ хэрхэн цэвэршүүлэх, нийлэгжүүлэх болон сайжруулах үйл ажиллагааг амжилттай туршсан байна. Ийм хоолой нь ирээдүйд бүх төрлийн үйлдвэрийн гол түүхий эд болох аж.

Сөүлийн Үндэсний Их Сургуулийн Нанометрийн Түвшний ШУ-ны Төвд үйлдэлтэй молекул утас ургуулсан нь молекулын түвшинд асааж унтраах болон мэдээлэл хадгалах боломжтой оронгийн нөлөөтэй транзистор гэх мэтийн нэг хэмжээст багаж бүтээх үүд хаалгыг нээж байгаа хэрэг гэнэ. Парк Системс Компани Дэлхийн хамгийн нарийвчлалтай гадаргуу хэмжих 0,1 нарийвчлалтай микроскоп бүтээсэн байна.

Солонгос Улс үндэсний хэмжээнд нанотехнологи хөгжүүлэх талаараа АНУ, Япон, Германы дараа дөрөвт жагсаж байгааг Лакс Рисөрч судалгааны фирм мэдээллэсэн байна.

Энэ салбарт ажиллагсдын тоо 2000 онд 1000 байсан бол 2004 онд 4000 болж нэмэгдсэн байна. Энэ чиглэлээр хичээл явуулдаг сургуулиудын тоо бас 3аас 38 болтлоо өссөн байна. Тооцоогоор 2025 он гэхэд энэ салбарт 20000 ажлын байр байх ба энэ орон тоо Солонгост бэлтгэгдэж буй ажлын хүчнээс нэг дахин их тоо аж. Нанотехнологийн салбарт Дэлхийд байр сууриа хадгалах хүрээнд Солонгос бүхий л чадлаа дайчилж 2015 онд 265 тэрбум ам долларын худалдаанд бэлдэж байна.

Судлаачдын таамаглаж байгаагаар ирээдүйд утасгүй харилцаа холбоо болон хамгийн авсаархан хөдөлгөөнт технологи гэх мэт цахим төхөөрөмж амьдрал салгашгүйгээр хэрэглэгдэх болно гэж үзэж байгаа ба энэ цахим эрин зуунд Солонгос мэтийн улс орнууд чухал үүрэг гүйцэтгэх цаг ирж байна.

эх сурвалж http://www.memagazine.org/ Саатан соёрхсонд баярлалаа